Breaking News

የካራባዎ ዋንጫ የግማሽ ፍፃሜ ጨዋታዎች ዛሬ እና ነገ ይካሄዳሉ

ዛሬ በለንደን ደርቢ ቶተንሃም ሆትስፐር በዊምብሌ ቼልሲን ያስተናግዳል፡፡

የካራባዎ ዋንጫ የግማሽ ፍፃሜ ጨዋታዎች ዛሬ እና ነገ ይካሄዳሉ

የእንግሊዝ ፉትቦል ሊግ ካፕ ወይንም በስፖንሰር አድራጊው ድርጅት ካራባዎ የሚጠራው ይህ የዋንጫ ውድድር የግማሽ ፍፃሜ የመጀመሪያ ግጥሚያዎች ዛሬ እና ነገ ይከናወናሉ፡፡

ዛሬ በለንደን ደርቢ ቶተንሃም ሆትስፐር በዊምብሌ ቼልሲን ምሽት 5፡00 ሲል ያስተናግዳል፡፡ ለማውሪሲዮ ፖቼቲኖው ቡድን በኤፍ ኤ ካፕ ጨዋታ ጉዳት ያስተናገደው ሉካስ ሞራ እና ቪክተር ዋንያማ እንዲሁም ኢሪክ ዳየር ግልጋሎት አይሰጡም ተብሏል፡፡

በማውሪዚዮ ሳሪ በኩል ደግሞ ጠንካራ አሰላለፍ ይዘው እንደሚገቡ እየተነገረ ሲሆን  ፔድሮ፣ ኦሊቪዬ ጅሩ እና ዊሊያን ከጉዳት ተመልሰዋል ተብሏል፡፡ አማካዩ ማቲዎ ኮቫችችም ቢሆን ከህምም እንዳገገመ ቢነገርም ሩበን ሎፍተስ ቺክ ግን በጀርባ ህመም ከጨዋታ ውጭ እንደሆነ ተነግሯል፡፡

ቼልሲ በሜዳው ኖቲንግሃም ፎረስትን በኤፍ ኤ ካፕ ሶስተኛ ዙር ጨዋታ 2 ለ 0 ድል ሲያደርግ ቁልፍ ሚና የነበረው የ18 ዓመቱ የክንፍ መስመር ተሰላፊ ተጫዋች ካሉም ሁድሰን ኦዶይ በምሽቱ ጨዋታ ይሰለፋል ተብሎ ይጠበቃል፡፡

ነገ የፔፕ ጓርዲዮላው ማንችስተር ሲቲ በኢቲሃድ ስታዲየም ቡርቶን አልቢዮንን ያስተናግዳል፡፡

leave a reply