Breaking News

ሉሲዎቹ የኦሊምፒክ ማጣርያዋን ከዩጋንዳ ጋር ታደርጋለች

ኢትዮጵያ የደርሶ መልስ የመጀመርያ ጨዋታዋን በሜዳዋ እንደምታደርግ ተነግሯል።

ሉሲዎቹ የኦሊምፒክ ማጣርያዋን ከዩጋንዳ ጋር ታደርጋለች

 

 

በጃፓኗ መዲና ቶኪዮ የሚከናወነው የ2020 ኦሊምፒክ ላይ በሴቶች እግርኳስ ለመሳተፍ የሚደረጉ የማጣርያ ጨዋታዎች በቀጣይ ዓመት መጀመርያ እንደሚከናወኑ ታውቋል።

 

 

የኢትዮጵያ እግር ኳስ ፌዴሬሽን ምክትል ዋና ፀኃፊ አቶ ሰለሞን ገብረሥላሴ የኢትዮጵያ ሴቶች ፕሪምየር ሊግ የመጀመርያ የውድድር ዘመን አጋማሽ ስብሰባ ላይ እንደተናገሩት፤ ኢትዮጵያ የመጀመርያ የማጣርያ ጨዋታዋን ከዩጋንዳ ጋር የምታከናውን ሲሆን ከኖቬምበር 4-12 (ህዳር 2012) በሚደረገው የደርሶ መልስ ጨዋታ ኢትዮጵያ የመጀመርያ ጨዋታዋን በሜዳዋ እንደምታደርግ ተናግረዋል።

 

ኢትዮጵያ ይህንን ዙር የምታልፍ ከሆነ በቀጣይ ከካሜሩን ሴቶች ብሔራዊ ቡድን ጋር እንደምትጫወትም ተገልጿል።

 

 

የኢትዮጵያ ሴቶች ብሔራዊ ቡድን በሪዮ 2016 ማጣርያ ላይ ያልተሳተፈ ሲሆን በለንደን የ2012 ኦሊምፒክ፤ በዲ.ሪ ኮንጎ 3-0 ድምር ውጤት ተሸንፎ ከመጀመርያው ዙር ተሰናብቷል።

 

 

ምንጭ፡ ሶከር ኢትዮጵያ

leave a reply