ካጋሜ ከስነምግባር ጉድለት ጋር በተያያዘ 4 ከፍተኛ የመንግስት ሃላፊዎችን ከስራ አገዱ
ካጋሜ ከስነምግባር ጉድለት ጋር በተያያዘ 4 ከፍተኛ የመንግስት ሃላፊዎችን ከስራ አገዱ
አርትስ 16/02/11
ካጋሜ ከስነምግባር ጉድለት ጋር በተያያዘ ችግር አይቼባቸዋለሁ ያሏቸውን ከፍተኛ የመንግስት ሃላፊዎችን ከስራ ማገዳቸው ተነገረ።
ኢስት አፍሪካን እንደዘገበዉ የሩዋንዳዉ ፕሬዝደንት ፖል ካጋሜ ብልሹ ስነምግባር ያላቸዉን 4 ከፍተኛ የመንግስት ሃላፊዎች ከስራቸዉ እንዲባረሩ አድርገዋል፡፡
ፕሬዝዳንቱ ከስራ ያገዷቸዉ ሃላፊዎችም የእንስሳት ሃብት ማስፋፊያ ዳሬክተር ሲሪዲዮን ዱሳቢማና ፣ በሩዋንዳ ብሄራዊ ሙዚየም የፋይናንስና አስተዳደር ዳይሬክተር የሆኑት ማርጋሬት ባባዚ፤ በትራንስፖርት ልማት ኤጀንሲ የአስተዳደር ዳይሬክተሩ አልበርት ሩሁማ ሪዛ እና የአይሲቲ ዳይሬክተር የሆኑት ኢማኑኤል ቶቶ ዋ ሙጌንዛ ናቸዉ፡፡
ፕሬዝደንት ፖል ካጋሜ ከሁለት ወር በፊት የህዝብ ሃብት ያለ አግባብ አባክነዋል በሚል የጤና ሚኒስትሩን ከስራ ማገዳቸዉ ይታወሳል፡፡