ፒያሳ አካባቢ በደረሰ የመኪና አደጋ የአንድ ሰው ህይዎት ሲያልፍ አስር ሰዎች ለአካል ጉዳት ተዳረጉ

ፒያሳ አካባቢ በደረሰ የመኪና አደጋ የአንድ ሰው ህይዎት ሲያልፍ አስር ሰዎች ለአካል ጉዳት ተዳረጉ

አርትስ 27/02/2011

ዛሬ ጠዋት በአዲስ አበባ ፒያሳ ቸርችል ጎዳና አካባቢ በደረሰ የመኪና አደጋ የአንድ ሰው ህይወት ማለፉ እና 10 ሰዎች ለአካል ጉዳት መደረጋቸው ተሰምቷል፡፡

አደጋው ዛሬ ማለዳ 12 ሰዓት ከ30 አካባቢ መድረሱን እና በወቅቱ ከፒያሳ ወደ ለገሃር ይጓዝ የነበረ ሚኒ ባስ ታክሲ ቼርችል ጎዳና ጋር ያለ የትራፊክ መብራት ጋር ሲደርስ ከ ቪ8 መኪና ጋር ተጋጭቶ  እንደሆነ የአዲስ አበባ ፖሊስ ኮሚሽን አስታውቋል፡፡

በአደጋው የአንድ ሰው ህይዎት ሲያልፍ፥ በ10 ሰዎች ላይ ደግሞ ከባድና ቀላል ጉዳት መደረሱን ፖሊስ አስታውቋል፡፡

ጉዳት የደረሰባቸው ሰዎችም በአዲስ አበባ ከተማ በሚገኙ የተለያዩ ሆስፒታሎች የህክምና እርዳታ እየተደረገላቸው ይገኛል።