ኮሎኔል አትሌት ደራርቱ ቱሉ የኢትዮጵያ አትሌቲክስ ፌደሬሽን ፕሬዝዳንት ሆና ተመረጠች

አርትስ 06/03/2011
የኢትዮጵያ አትሌቲክስ ፌዴሬሽን ሥራ አስፈጻሚ ኮሚቴ ትናንት አስቸኳይ ስብሰባ አካሂዷል፡፡
አመሻሽ ላይ የሥራ አስፈጻሚ ኮሚቴው በፌዴሬሽኑ የመሰብሰቢያ አዳራሽ ባካሄደው አስቸኳይ ስብሰባ ሰሞኑን ከፌዴሬሽኑ ፕሬዝዳንትነት በፈቃዱ ራሱን ባገለለው ሻለቃ አትሌት ኃይሌ ገ/ስላሴ ቦታ በውክልና የፌደሬሽኑ ምክትል ተቀዳሚ ፕሬዝዳንት የሆነችውን ኮሎኔል አትሌት ደራርቱ ቱሉን በፕሬዝዳንትነት ሰይሟል፡፡
በቀጣይ ሁለት ወራት ጊዜ ውስጥም ፌዴሬሽኑ አስቸኳይ ጠቅላላ ጉባዔ በመጥራት ለቀሪዎቹ ሁለት አመታት የፌዴሬሽኑን ፕሬዝዳንት ያስመርጣል ሲል ፌደሬሽኑ አስታውቋል፡፡