በካሜሮን የታገቱ ተማሪዎችን ፍለጋ ቀጥሏል
በካሜሮን የታገቱ ተማሪዎችን ፍለጋ ቀጥሏል
አርትስ 28/02/2011
የካሜሮን ባለ ስልጣናት ባለፈው ሰኞ በታጠቁ ሀይሎች ታግተው የተወሰዱ 79 ተማሪዎች እና 3 የትምህርት ቤቱ የስራ ባልደረቦችን ፈልጎ በህይወት የማገኘቱ ስራ በአስቸኳይ እንዲከናወን ትእዛዝ አስተላልፈዋል፡፡
የሀገሪቱ ሰሜን ምእራብ አስተዳዳሪ ዲበን ቻፎ እንዳሉት ከተማሪወቹ በተጨማሪ የትምህርረት ቤቱ ሀላፊ፣ ሾፌርና መምህር በነዚህ ታጣቂዎች ታፍነው ተወስደዋል፡፡
አልጀዚራ እንደዘገበው የካሜሮን ወታደራዊ ቃል አቀባይ በሀገሪቱ የእንገንጠል ጥያቄ የሚያነሱ ሀይሎች ናቸው ድርጊቱን የፈፀሙት በማለት ሀላፊነቱን ይወስዳሉ ብለዋል፡፡
የሀይማኖት አባቶች በበኩላቸው ድርጊቱን አውግዘው ህጻናቱና የትምህርት ቤቱ ሰራተኞች በአስቸኳይ እንዲለቀቁ ጥሪ አቅርበዋል፡፡
ተማሪወቹ የራሳቸውንና የቤተሰቦቻቸውን ስም እንዲናገሩ በአጋቾቻቸው ሲጠየቁ በማህበራዊ ድረ ገፅ በተለቀቀ የቪዲዮ ምስል ታይተዋል ነው የተባለው፡፡