በጦላይ ተሃድሶ ስልጠና ላይ የነበሩ ወጣቶች ወደየቤታቸው ተመለሱ
በአዲስ አበባ ከተማ ከተፈጠረው የፀጥታ ችግር ጋር ተያይዞ በቁጥጥር ስር ውለው በጦላይ ስልጠና ሲከታተሉ የቆዩ 1ሺህ 174 ወጣቶች ዛሬ ወደየቤታቸው መመለሳቸውን የአዲስ አበባ ፖሊስ ኮሚሽን ገለፀ፡፡
የፖሊስ ኮሚሽነሩ እንደተናገሩት ከወጣቶቹ ጋር የጋራ ውይይት ከተደረገ በኋላ ወደአዲስ አበባ ተመልሰው ወደየቤተሰቦቻቸው እንዲሄዱ ተደርጓል።
ወጣቶቹ በጦላይ ወታደራዊ ማሰልጠኛ ቆይታቸው ራስን ከወንጀል የማራቅ እና ተያያዠ ለአንድ ወር ስልጠናዎችን መውሰዳቸውን ኮሚሽነሩ ገልፀዋል፡፡
ወጣቶቹ ከመስከረም 2 እስከ መስከረም 8 ቀን 2011 ዓ.ም በአዲስ አበባ ከተማ ከነበረው የፀጥታ ችግር ጋር ተያይዞ በፖሊስ ቁጥጥር ስር መዋላቸው የሚታወስ ነው፡፡