በአዲሱ ስምምነት መሰረትም አምብሮ ኩባንያ ለወንዶች ፣ ሴቶች ፣ ወጣቶች እና ለታዳጊ የኢትዮጵያ ብሄራዊ ቡድኖች ሙሉ የጨዋታ ትጥቆች፣ የመለማመጃ አልባሳት እና ከሜዳ ውጭ የሚለበሱ አልባሳትን የሚያቀርብ ይሆናል።የቴክኒክ እና የአስተዳደር አባላትም በአምብሮ ትጥቅ አምራች የተዘጋጁ አልባሳትን እንደሚለብሱ በስምምነቱ ተገልጿል።

የኢትዮጵያ እግር ኳስ ፌዴሬሽን ፕሬዚዳንት አቶ ኢሳያስ ጂራ አምብሮ ላለፉት ሁለት ዓመታት ሲያቀርባቸው ለነበሩ ጥራት ያላቸው ምርቶች ምስጋና አቅርበዋል።ከኢትዮጵያ እግር ኳስ ፌዴሬሽን ጋር የተደረሰው ስምምነት አምብሮን ከአፍሪካ ባለፈ ዓለም አቀፍ ተደራሽነቱን የሚያሰፋ መሆኑን በደቡብ አፍሪካ የኩባንያው ሃላፊ ዴቪድ ሪኬትስ ገልፀዋል።