ሊቨርፑል ለማንችስተር ሲቲ እጅ ሰጥቷል

ቀያዬቹ ያለመሸነፍ ጉዟቸው በሲቲ ተገትቷል

ተጠባቂው የ21ኛው ሳምንት የእንግሊዝ ፕሪምየር ሊግ የመጨረሻ ጨዋታ በማንችስተር ሲቲ እና ሊቨርፑል መካከል ተካሄዶ ባለሜዳዉ ቡድን ሲቲ የ 2 ለ 1ጣፋጭ ድል አስመዝግቧል ።

የማ.ሲቲን ጎሎች ኩን አጉዌሮ እና ሊሮይ ሳኔ ሲያስቆጥሩ፤ ሮቤርቶ ፊርሚኖ የቀያዮቹን ከሽንፈት ያልታደገች ጎል ከመረብ አዋህዷል ።

በየርገን ክሎፕ የሚመራው የመርሲ ሳይዱ ቡድን ፤ ለ20 የሊጉ ጨዋታዎች ያህል አስቀጥሎት የነበረውን ያለመሸነፍ ግስጋሴ በመጨረሻ በፔፕ ጓርዲዮላ ቡድን ተገትቷል ። እስከዚህ ሽንፈት ድረስ ሊቨርፑል በሊጉ ያልተረታ ብቸኛው ቡድን ነበር ።

የሊቨርፑልን ሽንፈት ተከትሎ በሁለቱ ቡድኖች መካከል ያለው የነጥብ ልዩነት ከሰባት ወደ አራት ዝቅ ብሏል ።

ሊጉን ሊቨርፑል በ54 ነጥብ ሲመራ ፤ ሲቲ በ50 ይከተላል ፤ ቶተንሃም በ48 ሶስተኛ ደረጃ ላይ ተቀምጠዋል ።