ኦሜዳድ በ25 ዓመት ውስጥ በመላ ሀገሪቱ 25 ቅርንጫፎችን ከፍቻለው አለ፡፡

ይህንን የሰማነዉ ድርጅቱ 25ኛ ዓመት የብር ኢዮቤልዩ በዓሉን ባከበረበት ወቅት ነው፡፡
ከዉጭ የተለያዩ ምርቶችን በማስገባት የሚታወቀዉ ድርጅቱ ሲቋቋም መነሻዉ 1 ሚሊዮን ብር ካፒታል የነበረ ሲሆን በአሁኑ ወቅት ከ 500 ሚሊዮን ብር በላይ ካፒታል እንዳለዉ የቦርድ ሰብሳቢ አቶ ኩመላ ግራኝ ተናግረዋል፡፡
ባለፉት 25 ዓመታት ጠንካራ እና ትውልድ ተሻጋሪ ድርጅት ለማቋቋም በተሰራው ስራ በርካታ ስኬቶችን ማስመዝገቡን የተናገሩት ደግሞ የድርጅቱ መስራች የሆኑት አቶ ጌታመሳይ ደገፉ ናቸው፡፡
ለዚህም ማሳያ በአዲስ አበባ አንድ ዘመናዊ ሆቴል እያስገነባ መሆኑንና ዱከም ላይ ፋብሪካ ለማስገንባት በዕቅድ ላይ መሆኑን አቶ ጌታመሳይ ተናግረዋል፡፡
ድርጅቱ በበጎአድራጎት ስራ ላይ በመሳተፍ 10 ወላጅ አልባ ህጻናትን ሙሉ ወጪያቸውን በመሸፈን በማስተማር ላይ መሆኑንም ሰምተናል፡፡

አርትስ 24/12/2010