በቡራዩና አካባቢው የተፈፀመውን ጥቃት ከመከላከልና መቆጣጠር አኳያ የኦሮሚያ ፀጥታ ሃይል የሚጠበቅበትን ሃላፊነት አልተወጣም ተባለ
አርትስ 07/01/2011 ዓ.ም
ይህንን ያሉት የኦሮሚያ መንግስት ኮሚኒኬሽን ጉዳዮች ሃላፊ ዶ/ር ነገሪ ሌንጮ ናቸዉ፡፡ የክልሉ ኮሚኒኬሽን ሃላፊዉ ምንም እንኳን የፀጥታ ሃይሉ በተወሰነ መልኩ ስራዉን ቢሰራም በቂ ነዉ ብሎ ለመናገር ግን አያስደፍርም ብለዋል፡፡
የቡራዩ የመሬት አቀማመጥ የፀጥታ ሃይሉ ስራዉን በሚገባ እንዳይሰራ እንቅፋት ሆኖበታል ሲሉ ዶ/ር ነገሪ ሌንጮ ጅማ ላይ በሰጡት መግለጫ ተናግረዋል፡፡
የፀጥታ ሃይሉ የህብረተሰቡን ሰላም ለማስጠበቅ ባደረገዉ ጥረት በ6 ሰዎች የሚመራ 99 አባላትን ያካተተ ቡድን መኖሩ ታውቋል ሲሉ ዶ/ር ነገሪ በመግለጫቸዉ ጠቁመዋል፡፡